ماتيجي نرجّع الماضي وسنين فاتت
نصّحي النبض في قلوبنا اللي كات ماتت
نعيد للروح بقى روحها ومن تاني
نرجّع شكلنا ولونّا اللي صار باهت
ماتيجي نرجّع الضحكة اللي فارقتنا
ونمشي في سكة خاصمت ياما خطوتنا
ماتيجي نعيش حياتنا اللي عدّتنا
نعيد حتى كلامنا اللي صبح ساكت
ماتيجي نرجّع الماضي وسنين فاتت
ماتيجي نرسم الدنيا بلون أبيض
نغيّر شكلها الغامق أو نجدد
حاجات ياما زمان ماكنتش عحبانا
وكنّا بنيجي نعملها بنتردد
ماتيجي ندوس على جراحنا ونخطّيها
ونبدأ قصة من تاني ونعيش فيها
حكاية حُبّنا صعب تكون ذكرى
لكل الدنيا هنقولها ونحكيها
ماتيجي نغيّر الدفة لصالحنا
سنين فاتت وعايشين بس بأرواحنا
وياما قولنا هنحاول وهنجرّب
لكن فعلاً لا جينا في يوم ولا روحنا
من اليوم ده خلاص بقى واجب التغيير
من اليوم ده مافيش ولا بُعد ولا تقصير
خلاص مابقاش علينا منّهم سُلطة
ولا أي حد علينا هيبقى لُه تأثير
تعليق واحد على “( ماتيجي نرجّع الماضي )”
رائع وأكثر دام المداد مغداقا