ــــــــــــــ
يااااااااه
هى كده صعبة الحياة
بنيجى ع الدنيا دى فـ لفّة
ونخرج منها فى لفّة
وبين اللفّة واللفّة
نعيش فى التوهة واللهفة
مابين أحزان وبين زفّة
وناس عايشة كما الامرا
وناس للتراب سافّة
مابين غربة قلوب نازفة
مابين الحيرة والغيرة
وحسن سلوك مع السيرة
وخوف من كلمة توجعنا
وخوف من حلم ضيّعنا
وخوف من بكرة لو بِعنا
قلوب أحباب
وخوفنا من أمل كداب
بنجرى وراه وهو سراب
وخوف م الموت يفرّقنا
عن الاحباب
وخوف من كلمة مصلوبة
فـ عز نهار
إرادة خلق مسلوبة
قلوب تنهار
داوى بإيديك كل الجراح
لملم آهاتك والوجع
وبلاش تقول قلبى اتوجع
لفّت ليالى العمر تشكى م السنين
جاية وشايلة لنا الفزع
وجوة نبض القلب سيل
ينزف بنار…قادت شرار
جوّه شرايين الزمن
نامت عيون الليل فوق كِتف الهموم
رافضة تقوم
والفجر واقف منتظر
ساعة طلوعة للنهار
والعمر ثار…واخد قرار
انه هيتخطى المِحن
لكن خلاص
سبقت خطاويه الزمن
جاية وشايلة له الكفن
وقالت له آخر رحلتك كده فـ الحياة
ذرفت عيونى بالدموع
وقلبى نابض بالخشوع
ياريت لعمرى من رجوع
وأعيد حسابى مع الزمن
وأعمل لبكره
وأدفع حسابى مقدماً
يامنه اليمنىhttp://يامنه اليمنىمن ديوان / أصعب بُكا
