الدنيا يا ناس ما بتدومش لحد، يوم ليك ويوم عليك، الناس بتروح وتيجي، والمناصب بتتغير، والفلوس بتخلص، بس في حاجه وحده بتفضل ما بتزولش أبداً… “الخير”…….
الخير عمره ما يضيع، يمكن يتأخر، بس دايمًا له أثر في قلوب الناس الطيبة، اللي ما تعرفش الغدر ولا النكران……..
الخير مش بس فلوس، الخير كلمة طيبة، ابتسامة، مساعدة بسيطة في وقتها، ودعوة صادقة في ظهر الغيب……..
النفوس الصافية بتشيل الجميل، وما تنساش المعروف حتى لو الدنيا بعدت والظروف فرقت………
الناس الطيبة تزرع الخير من غير ما تستنى مقابل، وتعمل المعروف علشان ربنا، مش علشان الشكر أو المديح……….
ودول هما اللي ربنا دايمًا راضي عنهم، لأن نيتهم صافية وقلبهم أبيض………
الدنيا كلها رايحة، لا جاه باقي، ولا مال، ولا منصب…..
بس اللي بيعيش بعدك هو ذكرك الطيب، وفعلك الحلو اللي يسكن في قلوب اللي عرفوك…….
خلاصة الكلام:
اعمل خير ولو في الخفا، وسيب الباقي على ربنا، لأن كل شيء يرحل، إلا الخير… يفضل ساكن في النفوس الصافية زي ريحة الورد ما تفارقش المكان…………..
