بقلم الكاتب الصحفي
د/عاشور غريانى
الذكاء الاصطناعي بين الانبهار والمخاوف
سؤال كلنا بنفكر فيه وشاغلنا
هل الروبوتات والذكاء الاصطناعي هياخدوا وظائف البشر؟
الحقيقة إن الروبوتات والذكاء الاصطناعي فعلاً بدأوا ياخدوا بعض الوظائف خصوصًا الوظائف الروتينية والمتكررة
زي مثلاً الكاشيرات في بعض المتاجر اللي بدأوا يستبدلوهم بماكينات الدفع الذاتي
أو حتى خدمة العملاء اللي بقت تعتمد بشكل كبير على الشات بوتس
لكن في المقابل في حاجات مستحيل الذكاء الاصطناعي يعوضها زي الإبداع التفكير النقدي واتخاذ القرارات في مواقف معقدة ودا بيدينا الاولويه في التعامل وزياده كفاءه التعليم
يعني مثلًا الروبوت ممكن يساعد في التشخيص الطبي لكن هل هيقدر يكون عنده تعاطف زي الدكتور البشري؟
أكيد لا
فيه دراسة اتعملت بتقول إن الوظائف اللي تعتمد على التفكير الإبداعي والعلاقات البشرية هي الأقل تأثرًا
طيب سؤال كمان شاغلنا كلنا
هل البرمجة ممكن تخلق وظائف جديدة بدل ما تلغيها؟
اه اكيد مع إن التكنولوجيا بتلغي بعض الوظائف فهي في نفس الوقت بتفتح أبواب جديدة مثلا من 10 سنين محدش كان بيسمع عن “مهندس تعلم الآلة” Machine Learning Engineer
أو “أخصائي تحليل البيانات الضخمة” Big Data Analytics Specialist
ولكن دلوقتي دول بقت من أهم الوظائف في السوق.
في تقرير بيقول إن الذكاء الاصطناعي لوحده ممكن يخلق حوالي 97 مليون وظيفة جديدة بحلول 2025 يعني بدل ما الناس تخاف من التكنولوجيا المفروض يتعلموا المهارات
الجديدة اللي تخليهم عن مستعدين للسوق اللي جاي
يعني لازم نفهم إن الناس اللي بتواكب التطور وتتعلم مهارات جديدة هم اللي هيقدروا يستفيدوا منها أما اللي يفضلوا معتمدين على الطرق القديمة بس فممكن يواجهوا صعوبات في المستقبل
