ياللــى نويـت الجـواز إبعـد عـن الكِشـره
اختار بنُيـــه دهـــب ولا تاخـــد القشــره
هتصون معاك الود ولا تنكر المعروف
طبع الأصيله معروف مش خاينه للعشره
ياللي نويت الجواز دور علي الحره
دور علي اللي تعيش ع الحلوه والمره
وابعد عن اللي تقول ولا عمره ما اداني
هتعيشك داني وهتفضحك بره
ياللي نويت الجواز أسأل علي الزينه
أسأل علي اللي تكون فهمانه ورزينه
وابعد عن الشكايه اللي بتحكي اسرارك
هتقل مقدارك والعقل ما تزينه
ياللي نويت الجواز فاظفر بذات الدين
وشلها فوق الراس واوعي الكرامه تهين
واللي يصفي القلب ربك بيديله
واللي أمه تدعيله ولا يوم يشيل الطين
وعجبي
تعليق واحد على “ياللــى نويـت الجـواز إبعـد عـن الكِشـره”
ممتاز جدا