بإيه هتفيدنا شكوتنا
ما دمنا تملّي بنعاني
ومين يعني اللي سكّتنا
ومين مظلوم ومين جاني
ماداااام حلمنا بيموت
ونصرخ بس من غير صوت
طب إزاي يعني هنكمّل
وكل شئ صبح مشروط
ليه كلمة حق تخنقها
ولقمة عيشنا تسرقها
رصاصة الرحمة إطلقها
بلاها العيشة دي تاني
بإيه هتفيدنا شكوتنا
ما دمنا تملّي بنعاني
في ليل ونهار بنتحمّل
عيشتنا اللي باقت تُخنق
نقول بكره هتتعدّل
لكن بكره بيكون أسوأ
مادام رضينا بسكوتنا
وخوفنا اللي مسكّتنا
حياتنا يعني من موتنا
أكيد واللهِ ما هتفرق
يدوب بنعد في الأيام
وهيّ واقفة مابتمشيش
لا بتعدّي بينا لقُدام
ولا فيها عِرفنا نعيش
ما دمنا حياتنا مش فارقة
ومش عارفين نقول لأة
بدال الذقة مية ذقة
وخطوتنا مابتعدّيش
بقلمي عبدالحميد وهبه
