بالعقل كده طفل لسه مكملش 5~4 سنين في الدنيا دي المفروض ادخله الجيش عشان ينشف ويبقى راجل ؟
والبنت اعذبها واوريها الوش الجبس عشان تشيل المسئولية ؟!
اذا كان مطلوب منه يعرف بس كده او يتعلم يعمل فرض من فروض ربنا من وهو 7 سنين
ويبدا كده يتحاسب ع الفرض دا وابدا انا كاب اعاقبه وعقاب بسيط اوي من10 سنين
يعني 3 سنين ترويج وتدريب ع حاجة واحده وهي الصلاة وهي ركن اساسي من أركان دينك
يبقى مطلوب منه كطفل سنواته في الدنيا معدوده عارف وبيمارس جميع الآداب عشان يكون متربي ومش متدلع ؟
هو لو انا كام او اب مدلعتش عيالي مين هيجي يدلعهم !
لو انا كام مش فاهمه ولادي حاسين مين يفهمهم !
هو ايه اصلا مفهوم الدلع في وجه نظرك ؟
اني احاول البي رغباته ؟
اني كام بحاول اعمله كل اللي اقدر عليه ؟
عشان محدش غيري هيعمله لولادي ؟
طب مقابل دا هل هو قليل الادب ؟
هل انا بدلع وبس ومش بربي فعلا ؟
هل عنده خلل قوي و ملحوظ يستدعي حكم حضرتك عليه ؟
لو انا كام مصاحبه ابني او بنتي بوصلهم ايه صح و ايه غلط وايه ينفع يتعمل وايه لا وبحاول اوصل معاهم لتربية سليمة وصحيحة يبقى ليه مدلعهمش ؟ فين المشكلة ؟
احنا ليل نهار بنشير بوستات ان البنت دلوعة بباها ومحدش هيدلعها كدا بعده
وفي نفس الوقت بنتهم الاهل انهم مدلعين بناتهم وولادهم ! طب ايه الانتقاد دا
تيجي تسال ام معاملتها شديدة مع اطفالها ع علاقتها بباها تقولك محدش اتدلع ادي ومحدش هيدلعني اد
ابويا كان بيدلعني بس كان شديد في نفس الوقت
طب انتي ليه اخدتي الشدة من تربيته ليكي وسيبتي الدلع وتزرعيه في اطفالك !
اصلي مش عايزة ابني يطلع متدلع
هي مش مجرد كلمة وخلاص نتهم فيها بعض بعدم تربيتنا السليمة لاطفالنا ودلعنا ليهم
كل يوم بنتعلم جديد وكل يوم بنفهم اكتر وانت كمربي لاطفال اكتر واحد عارف بنفسيه طفلك وعارف بكيفيه تعاملك معاه و ابدا طفلك مش زي اي طفل تاني حتى لو كان تؤامه
ويوم ما تربي كله بنفس الطريقة وتقارن بين الاطفال وبعض يبقى انت مربي فاشل لان مفيش طفل زي التاني وكل شخصية ونفسيه تختلف من طفل للتاني وكل واحد وله قدراته
دلعوا ولادكم في وقت طفولتهم و وقت دلعهم بدل ما يفضلوا طول عمرهم مش عارفين معنى دلعهم في عز بباهم ومامتهم
دلعوا اطفالكم وخلوهم يفضلوا حاسين بدلعكم واحتواءكم ليهم اشبعوا رغباتهم .. املوا عينهم واملوا قلوبهم حنان وحب ورحمة وخير بدل ما يكونوا مصيدة لاي حد بعد كده يلاقوا عنده اللي افتقدوه عندكم
دلعوا وربوا وازرعوا في قلوبهم معنى الحب والحنان وعرفوهم الصح من الغلط والاهم اننا لما نغلط ازاي نصلح الغلط مش ازاي منغلطش عشان محدش فينا مبيغلطش
دلع ابنك وصاحبه وعلمه وفهمه بحب واحترام
دلعي بنتك وصاحبيها وعلميها وفهميها الحياء والاحترام
خليكوا قدوة لولادكم مش بعبع يتخاف منه ..
التربية عمرها ما كانت خوف واحترام وبس عشان اقول انا ربيت
عمر الشدة ما هتربي انسان سوي
عمر القوه ما هتخلق انسان قلبه فيه طيبه وحنيه
شدوا واقسوا بحدود
ربوا صح ودلعوا صح وعلموا صح عشان منجيش نندم بعد كدة .
اقروا كتير
افهموا ولادكم
