الصراع الإيراني -الأميركي..الي أين! (إيران:معركة البقاء ام التغيير)

المعارضة الإيرانية اللى عايشة فى الغرب بكراهيتها للنظام الحاكم فى ايران وتحررها من عباءته الدينية المصطنعة بتدى انطباع لصاحب القرار الأمريكى ان مجرد التخلص من راس النظام الإيرانى هيصاحبه خروج الشعب المكبوت والكاره للنظام عشان يخلص على بقايا النظام فى كل مكان وتعم الفوضى و يسقط فورا

لكن ده ما حصلش …ليه؟!

لأن شعب الداخل الإيرانى غير شعب الخارج .

شعب الداخل حتى لو كان مكبوت فقد اعتاد هذا الكبت والأهم انه شعب علاقته براس نظامه وبعممه السودة علاقة دينية او مغلفة ومتمسحة بالدين لإضفاء هالة كاذبة حول الحاكم او النظام

بتشبه علاقة الإخوان المتأسلمين بمرشدهم الأعلى عندنا

(نفس النسخة )نفس الخوارج

علاقة الصعبانيات والندب ونشر الموت والخراب والتفجير والإرهاب انتقاماً للشرعية المسمومة وانتقاماً لسقوط راس نظامهم بسياسة الأرض المحروقة ووجود العناصر اللى عندها استعداد تموت او تفجر نفسها فداءاً لهذا النظام وهذه العقيدة المسمومة

الشعب الإيرانى واللى بيشبه شعب رابعة عندنا لسه بيبوس ايد المرشد

لسه بيدافع عن نظامه حتى لو نظام قاتل عنيد زى ما الإخوانجية لسه بيدافعوا عن مرشدهم ولو بالكلمة حتى اليوم وبيلبسوه توب الملاك ابو جناحات رغم ان كل دم سال بسببه هو وجماعته

الفرق بين حرب شعب المرشد الإيرانى وحرب شعب رابعة

ان شعب رابعة كان بيحارب دولة شريفة محترمة وجيش صاحب عقيدة وشرف

فكانت الهزيم الساحقةللإخوانجية ولمرشدهم والنصر المبين لنا وان كان مدفوع فيه تمن غالى هو دم ولادنا وشهداءنا الابرار اللى سقطوا بسبب اجرام جماعة الاخوان المتأسلمين وعناصرها اللى خرجت من رابعة لترتكب افظع الجرائم .

اما شعب المرشد الإيرانى اللى متمسك بنظام قاتل ومجرم وله أيادى سوداء ارتكب بها جرايم فى كل المنطقة

فهو فى مواجهة نظام أخر مجرم زيه بالضبط بيحمى كيان محتل مجرم

احنا هنا قصاد معركة طرفيها مجرمين زى بعض

والمعارك من هذا النوع قد تطول او تقصر ولا احد يعرف نهايتها ولا مداها لأنها معارك غير شريفة

كل شىء فيها مباح لا تعرف الإنسانية او العقيدة الشريفة.

ولكن لا نغفل عن ان ميزان القوى لصالح الأمريكان بحكم القدرة والقوة والعتاد

وانه مهما طال نفس النظام الإيرانى فأوراق الضغط والضرب اقوى مع الأمريكان

يارب احفظنا من دول ودول واخرجنا من بينهم سالمين